Elvis Pupa është pa dyshim një nga artistët më të dashur shqiptarë. Edhe pse ishte shkëputur prej vitesh nga Shqipëria dhe nga ekrani shqiptar, aktori i humorit është rikthyer sërish në vendin e tij, në një nga programet më të shikuar të vendit, ‘Big Brother Albania VIP’.
E sigurisht, me rikthimin e tij në Big Brother, të gjithë kanë pasur mundësinë ta njohin më mirë aktorin e dashur të humorit. Ai ka ndarë me publikun edhe shumë detaje nga marrëdhënia me bashkëshorten e tij, duke çuditur jo vetëm banorët, por edhe publikun.
Në një nga bisedat që ka bërë së fundmi me banorët e tjerë të shtëpisë ai ka thënë se me bashkëshorten e tij kanë vite që flenë në dhoma të ndara, për shkak se ai gërhet shumë, ndërsa një arsye tjetër është edhe se Visi do errësirë, ndërsa partnerja e tij do më shumë dritë.
“Rrimë deri vonë bashkë por për të fjetur flemë në dhoma të ndara pasi unë gërhas shumë. Kemi rreth 4 vite që e kemi marrë këtë vendim, ajo do errësirë, unë dritë, që kështu jemi më rehat kur flejmë veç e veç. Ama gjumin e drekës e bëjmë bashkë” – ka thënë Visi.
