Hertha e Berlinit përmbys gjithçka në ndeshjen e kthimit të Play Out-it në Bundesligë në “Volksparkstadion” përballë vendasve të Hamburgut dhe siguron qëndrimin mes më të mirave të Gjermanisë.
Berlinezët u mposhtën 1-0 në shtëpi në ndeshjen e parë, por arritën të përmbysin gjithçka në ndeshjen e kthimit në Hamburg, duke fituar 2-0 dhe pas këtij suksesi do të vazhdojnë të luajnë në Bundesligë edhe sezonin e ardhshëm.
Skuadra e teknikut Felix Magath zhbllokoi sfidën shumë shpejt me Boyata, ndërsa goli i Plattenhardt në pjesën e dytë vulosi një sukses shumë të rëndësishëm për skuadrën nga Berlini.
Ndonëse vuajti shumë këtë sezon, Hertha do të qëndrojë në Bundesligë, ndërsa Hamburgu detyrohet të luajë sërish në kategorinë inferiore. / Oversport.tv
Foto: Hertha Berlin Twitter
Gjermani-Bundesliga / Play Out
Hamburger SV- Hertha Berlin 0-2
Boyata 4’, Plattenhardt 63’