Shtetet e Bashkuara të Amerikës kanë shfaqur interesim më të theksuar të nivelit më të lartë, për të ndihmuar Poloninë në raport me çështjen e Ukrainës.
Kështu ka bërë të ditur gazetari Adriatik Kelmendi, njëhersh drejtor i përgjithshëm i Klan Kosovës, i cili po qëndron në kufirin mes Polonisë dhe Ukrainës për të përcjell nga afër zhvillimet pas agresionit rus ndaj ukrainasve.
Ai madje në Rubikon tha se këtë e dëshmojnë edhe vizitat që pikërisht sot kanë bërë në Poloni, zëvendëspresidentja e SHBA-së Kamala Harris dhe paraardhësi i saj, Mike Pence, njofton Klankosova.tv.
”Pikërisht sot në Poloni po qëndron dhe është takuar edhe me presidentin dhe kryeministrin polak zëvendëspresidentja e SHBA-ve, Kamala Harris”.
”Dhe po sot, edhe paraardhësi i saj, Mike Pence, ka qëndruar në pikën kufitare ku po vijnë refugjatët, pra, ka një interesim më të theksuar të SHBA-së në nivelin më të lartë për t’i dalur në ndihmë Polonisë, në raport me çështjen e Ukrainës”.
