Drejtori i Kukësit, Naim Halili ka folur për Oversport në prag të sfidës kundër Teutës. Drejtuesi i klubit verilindor ka sqaruar situatën e largimeve dhe ka premtuar blerje të reja në merkaton e janarit.
“Ekipi ka bërë një fazë përgatitore të mirë, pasi stafi teknik pretendonte që kishim mungesa në përgatitjen fizike dhe kjo fazë na ka shërbyer. Largimet? Moraes e ka prishur me marrëveshje kontratën, ndërsa Zivkovic ka sjellë një letër në klub pasi pretendonte se ishte i papaguar. Ne duke parë që nuk ishte në planet e ekipit që në fillim (me Gegën), respektuam kontratën dhe ia dhamë edhe njëherë mundësinë me trajnerin e ri. Pasi morëm konfirmimin nga stafi se ky lojtar nuk i shërben klubit vendosëm që të ndërpresim kontratën me lojtarin.
Halimi? Na mbeti në verë pa federuar për 30 minuta. Tani që na u dha mundësia që të federonim portierin arritëm që të firmosnim, pasi për fat të keq Tafas u dëmtua.
Dhurata të tjera? Në të gjitha repartet do të futemi në merkato. Besoj që dy tre lojtarë do ti afrojmë në merkato”, ka thënë Halili për Oversport.
