Argjent Gura tha se ka vendosur që të kandidojë për komunën e Bërvenicës për shkak se ka parë që një njeri i drejtë, me disa lëvizje të vogla mund t’ua përmirësojë jetën qytetarëve.
“Dhe duke parë edhe strukturën e cila funksion në nivel lokal, po ashtu edhe vizionin e subjekteve tona, që i shohë në vijë me idealet tona kombëtare. Përveç programeve konkrete reale, ne ofrojmë edhe parime njerëzore me të cilat do të udhëhiqet komuna jonë, ndërsa boshti i kësaj do të jetë transparenca, llogaridhënia dhe ndershmëria në punë”, u shpreh Argjent Gura në emisionin debativ në TV SHENJA.
Ai tha se do të instalojnë frymën e re, llogaridhënien për qytetarët.
“Komuna e jonë e cila proklamohet të jetë udhëhequr me transparencë është në vendin e 51. Kjo reflekton se si është punuar. Nuk janë vetëm 4 vite por 20 vite të pushtetit, dhe 3 mandate të kryetarit aktual. 1.4 milionë euro ka borxh komuna jonë”, tha Gura.