Trajneri i Manchester, Pep Guardiola, ka thënë publikisht se Xavi Hernandez është gati të jetë trajner i Barcelonës, pas shkarkimit të Ronald Koeman.
Trajneri aktual i Cityt , i cili ishte trajner i Barcelonës në vitet 2008 deri në 2012, diskutoi mbi mundësinë që Xavi të emërohej trajner në klubin e tyre të zemrës.
“Xavi, nëse ndodh, nuk kam asnjë dyshim se ai është gati ta bëjë punën. Ai e njeh mjedisin, gjë që është kaq e rëndësishme”.
“Ai e njeh lojën, ka pasion. Ai ka më shumë përvojë tani sesa unë kur e mora përsipër Barcelonën”.
“Njerëzit harrojnë – ne jemi përgjegjës, por ndikimi ynë është më minimal sesa besojnë njerëzit. Suksesi që pata ishte për shkak të cilësisë së lojtarëve”.
“Xavi, sigurisht, është vërtet i mirë. Nëse Xavi është trajneri i ardhshëm, i uroj atij gjithë të mirat dhe shpresoj se skuadra mund të kthehet hap pas hapi”, ka thënë Guardiola.
Kur u pyet për shkarkimin e Koeman, Guardiola e mbështeti holandezin duke i uruar më të mirat.
“Ronald dhe unë e dimë saktësisht se ne varemi, jetojmë dhe presim dhe jemi aty nga rezultatet. Askush nuk mund të mbijetojë pa rezultate, as Koeman, as Pep”.
“Ai është miku im, i uroj më të mirën dhe do ta shoh së shpejti dhe jam i sigurt se ka bërë gjëra të mira për lojtarët e rinj në akademi”, deklaroi ai.
