ATHINE, 30 janar /ATSH-DPA/ – Një nga dy pilotët grekë në bordin e një avioni luftarak që u rrëzua në detin Jon në perëndim të vendit u gjet sot i vdekur, ndërsa tjetri është ende i zhdukur, deklaruan autoritetet greke.
Ekipet e shpëtimit arritën të nxjerrin trupin e një piloti nga ujërat e përmbytura disa orë pas rrëzimit, raportoi radio shtetërore ERT, duke cituar rojen bregdetare.
”Shpresat për të gjetur gjallë pilotin e zhdukur janë duke u pakësuar”, theksuan ekspertët.
Incidenti u raportua kur pilotët e një avioni tjetër grek panë aeroplanin F-4 Phantom 2 të rrëzohej në perëndim të gadishullit të Peloponezit, shtoi raporti.
Në momentin e rrëzimit, pilotët e avionit të rrëzuar po praktikonin fluturim të nivelit të ulët.
Sipas ministrisë së mbrojtjes të Athinës, incidenti nuk lidhet me tensionet midis Greqisë dhe Turqisë. Shtetet e NATO-s kanë debatuar për të drejtat sovrane në Egje dhe Mesdheun Lindor për dekada. /os/