Goli i parë, Sergio Ramos: E vështirë përshtatja te PSG, nuk ndalem më

by admin
Spread the love

Sergio Ramos shënoi golin e parë me PSG-në mbrëmjen e kaluar. Ekipi i Mauricio Pochettinos fitoi 4-0 në “Parc des Princes” kundër Reims dhe ish-kapiteni i Real Madrid realizoi golin e dytë të ekipit të tij pas një insistimi në zonën kundërshtare.

35-vjeçari foli pas ndeshjes për mikrofonat e Prime Video. Sergio Ramos shpreson të shënojë sa më shumë gola, teksa theksoI se po e merr veten dhe nga dita në ditë po përshtatet gjithnjë e më mirë në kryeqytetin francez dhe tek ekipi i ri.

“Jam i lumtur për golin tim të parë me PSG-në, shpresoj të shënoj edhe shumë gola të tjerë. Kam tre javë që stërvitem me grupin. E rëndësishme është të kap ritmin e shokëve, të vazhdoj të përmirësohem fizikisht dhe të vendos në fushë versionin më të mirë të vetes.

Përshtatja ime këtu ka qenë e vështirë në fillim. Kam jetuar shumë vite në Madrid, por tani ndihem më mirë në Paris”, deklaroi një nga mbrojtësit më të mirë të epokës së vet, i cili verën e kaluar i dha fund aventurës 16-vjeçare me Real Madrid.


Top Channel

Lexo lajme interesante

You may also like