Një ndeshje spektakolare është zhvilluar në “St. James’ Park”, aty ku vendasit e Newcastle kanë barazuar 3-3 me Manchester City, kampionët në fuqi të Anglisë.
Miqtë zhbllokojnë shumë shpejt sfidën me Gundogan, por “qymyrxhinjtë” përmbysin gjithçka në pjesën e parë falë golave të Almiron dhe Wilson.
Në fillimin e pjesës së dytë Kieran Trippier shënon golin e tretë për Newcastle. I menjëhershëm ka qenë reagimi i City që barazon shifrat, duke shënuar 2 gola të shpejt brenda 4 minutave.
Ndonëse ka edhe 30 minuta lojë dhe skuadrat mundohen që të fitojnë ndeshjen, nuk ndryshon rezultati i kësaj sfide. Vjen ndalesa e parë në kampionat për djemtë e Guardiolës. / Oversport.tv
Foto: Newcastle United FC Twitter
