Lautaro Martinez po rikthehet të jetë protagonist tek Interi, ku pas një momenti jo të mirë, ka filluar të gjejë rregullisht rrugën e rrjetës.
Sulmuesi argjentinas i zikaltërve ka lënë shenjën e vet në 2 ndeshjet e fundit në kampionat (ka shënuar kundër Romës dhe Spezias) si dhe në derbin e Kupës kundër Milanit (shënoi një 2 golësh).
Paraqitjet e mira të kohëve të fundit kanë rritur vlerën në treg të “demit”, që tashmë vlerësohet nga Interi 70-80 milionë euro.
Kujtojmë se Atletico Madrid dhe Tottenham kanë shfaqur interes për sulmuesin dhe në rast të një oferte të denjë zikaltërit janë të gatshëm të sakrifikojnë argjentinasin. / Oversport.tv