Ditën e fundit para se të kthehej në shkollë, prindërit e çuan me veturë në Iseo, ku së shpejti do të takonte miqtë e tij. Pastaj përplasja dhe tragjedia e rëndë. Federico Doga, 16 vjeç, një lojtar i ri regbi nga Brescia, vdiq pothuajse menjëherë pasi u godit nga dy vetura. Aksidenti ndodhi mbrëmjen e së shtunës rreth orës 20:00 në Iseo, përgjatë rrugës qendrore të Via Roma.
Federico, i cili jeton në Comezzano Cizzago, në perëndim të Brescias së Poshtme, së fundmi ishte shoqëruar nga prindërit në fshat, ku kishte planifikuar të takonte disa miq me të cilët do të kalonte mbrëmjen, shkruajnë mediat italiane. I riu ka dashur të kalojë rrugën jo shumë larg stacionit, në një shtrirje pa vendkalime për këmbësorë dhe jo shumë të ndriçuar, transmeton portali Shtegu. Siç raporton BresciaToday, ai u godit më pas nga dy vetura: një Punto e zezë, e drejtuar nga një shqiptar 39-vjeçar banues në Iseo, dhe një BMW e errët në të cilën ndodhej një familje nga Villongo, babai, nëna dhe vajza e vogël 10 vjeç. Dy veturat që udhëtonin në drejtime të kundërta, u përplasën mes vete pasi e goditën Federikon.
