GJERMANI, 17 dhjetor /ATSH-DPA/-Ndërtimi i saj, në një kohë rekord prej më pak se dhjetë muajsh, tregon se vendi ynë është i aftë për fillime të reja, deklaroi sot kancelari gjerman, Olaf Scholz në ceremoninë e inaugurimit.
Scholz u shoqërua nga ministri i Ekonomisë, Robert Habeck i “Partisë së Gjelbër”, ministri i Financave, Christian Lindner i “Demokratëve të Lirë” dhe kryeministri i Saksonisë së Poshtme, Stephan Weil i “Socialdemokratëve”.
Terminali lundrues në brigjet e Detit të Veriut të Saksonisë së Poshtme ka për qëllim të ndihmojë në mbylljen e hendekut, e shkaktuar si pasojë e mungesave të furnizmit me gaz nga Rusia.
Pika qendrore e terminalit është anija speciale “Höegh Esperanza” e gjatë pothuajse 300 metra, e cila në të ardhmen do të shndërrojë gazin natyror të lëngshëm (LNG) të shpërndarë nëpërmjet cisternave, në gjendjen e tij të gaztë dhe ta transportojë ate në rrjetin gjerman të gazit.
Rreth 400 të ftuar morën pjesë në ceremoninë e zhvilluar në anije.
Sipas Ministrisë së Ekonomisë, mund të magazinohet një e treta e gazit natyror që nevojitet për të furnizuar Gjermaninë.
Scholz dha miratimin për ndërtimin e terminaleve në Wilhelmshaven dhe Brunsbüttel më 27 shkurt, tre ditë pas fillimit të luftës ruse kundër Ukrainës.//a.i/