Pas humbjes së djeshme në “Maradona” (dhe humbjes së Cagliarit në shtëpi përballë Interit), Genoa ka rënë matematikisht në Serie B. Pas Venezias mësohet emri i skuadrës së dytë që bie në kategorinë inferiore.
Kanë shpëtuar Sampdoria dhe Spezia dhe kur ka mbetur edhe ndeshja e fundit e kampionatit, gara e mbijetesës është mes Salernitanës dhe Cagliarit.
Salernitana, që ka 31 pikë, do të presë në shtëpi Udinesen në ndeshjen e fundit, ndërsa Cagliari (29 pikë) do të luajë në transfertë kundër Venezias.
Salernitanës i mjafton të fitojë sfidën e vet dhe mbijeton në Serie A, pavarësisht se çfarë ndodh në ndeshjen e Cagliarit. Mjafton që sardët mos të fitojnë dhe skuadra e Nicolas qëndron në elitën e Italisë.
Më e vështirë situata për Cagliarin, që duhet të fitojë ndeshjen e tij dhe të shpresojë që Salernitana të mos fitojë ndeshjen respektive. / Oversport.tv