Profesoresha universitare Frosina Remenski, e cili ka qenë edhe nënkryetare e LSDM-së, në emisionin debativ në TV SHENJA, tha se arsyet se përse LSDM ka humbur në këto zgjedhje, janë akumulim i pakënaqësive që kanë ndodhur që prej dy viteve më parë.
Ajo tha se këtu hyjnë pjesë referendumi, marrëveshja me Greqinë, marrëveshja me Bullgarinë, arratisja e Nikolla Gruvskit si dhe mos sanksionimi i atyre që kanë qenë pjesë e regjimit të Nikolla Gruevskit.
“Të gjithë kishim shpresa se fundi ka ardhur i atyre gjërave dhe se do të dënohen ata persona që kanë shkaktuar këto ngjarje. Por e gjithë ajo u qetësua, duhet ta pranojmë se marrëdhëniet ndëretnike janë qetësuar dhe marrëdhëniet ndërfetare. Por momenti i cili duhej të sjellë drejtësi, rrëzimi i atij sistemi nuk ndodhi”, tha Frosina Remenski.
Ajo tha se në këto zgjedhje u bë defokusimi, dikush që nuk kupton sipas saj, u la përshtypja se kemi zgjedhje parlamentare dhe jo lokale.
“Gabimi i dytë është në PR strategjinë e gabuar. Luajtja me çështjet mbi nacionale në zgjedhje lokale, në shumë gjëra i tërheqin pakënaqësitë e qytetarëve dhe ato reflektojnë në rezultatin”, deklaroi Remenski.
Frosina tha se nga këtu për gjashtë muaj, VMRO-DPMNE do të ketë ndryshim komplet të retorikëse për cështjen e Marrëveshjes së Prespës. /SHENJA/
