Forbes shkruan për vizitën e Grenellit në Merdare: Diplomacia në hije e Trumpit në skenë

by admin
Spread the love

Revista amerikane “Forbes” ka analizuar ardhjen në Kosovë të ish-të dërguarit të presidentit amerikan Donald Trump për dialogun ndërmjet Kosovës dhe Serbisë, Richard Grenell.

“Ish-presidenti Donald Trump tha të enjten se i dërguari i tij ambasadori Rick Grenell – një ish-ambasador dhe mbështetës besnik i Trump-it – vizitoi kufirin Serbi-Kosovë në një përpjekje për të promovuar paqen midis dy vendeve, e cila mund të duket se përfaqëson një mision të politikës së jashtme në emër të ish-presidentit”, shkruan kjo revistë.

Në artikullin e saj të titulluar ‘Diplomaci në hije’ e Trumpit? vendos “ambasadorin” për të adresuar tensionet Serbi-Kosovë” me autor Nicholas Reimann theksohet se si Trump, derisa ishte president, ishte shumë kritik ndaj ish-zyrtarëve të administratës Obama që ishin të angazhuar në atë që ai e quajti “diplomaci në hije”.

“Ndërsa ishte president, Trump ishte shumë kritik ndaj ish-zyrtarëve të administratës Obama që angazhoheshin në atë që ai e quajti “Diplomaci në hije”. Në vitin 2018, ai sulmoi ish-Sekretarin e Shtetit John Kerry për takimin me zyrtarët iranianë në një përpjekje për të ruajtur marrëveshjen bërthamore të Iranit të vitit 2015, duke thënë se veprimet e Kerry ishin “ndoshta të paligjshme”. Trump njoftoi më 8 maj 2018 se SHBA po tërhiqej nga marrëveshja”.

Kujtojmë se Trump dje në një komunikatë për media ka theksuar se i dërguari i tij, ambasadori Richard Grenel, ka vizituar Merdaren dhe ka theksuar rëndësinë e marrëveshjes së Washingtonit.

Zyrtarët nga Kosova dhe Serbia firmosën ujdinë brenda Zyrës Ovale në Shtëpinë e Bardhë më 4 shtator 2020, njofton Klankosova.tv/.

Lajme interesante

You may also like