FOKUS – Shumica e gjermanëve presin mungesë gazi këtë dimër

by admin
Spread the love

BERLIN, 24 dhjetor /ATSH-DPA/ – Shumica e gjermanëve presin mungesë gazi këtë dimër ose dimrin e ardhshëm, sipas një sondazhi të YouGov.

Në sondazhin e porositur nga dpa, 29% thanë se prisnin që gazi të ishte i pakët këtë dimër.

Rreth 26% nuk presin mungesë deri në 2023/24.

Nga më shumë se 2 000 qytetarë të pyetur, 29% thanë se besonin se furnizimet me gaz do të ishin të sigurta gjatë të dy dimrave.

Gjatë luftës ruse kundër Ukrainës, furnizimet me gaz nga Rusia – që përbënin 55% të konsumit gjerman para konfliktit – u ndaluan plotësisht.

Kjo çoi në një përpjekje të madhe nga qeveria gjermane për të mbushur vendet e depozitimit të gazit të vendit nga furnizues të tjerë përpara dimrit.

Kancelari Olaf Scholz ka deklaruar vazhdimisht se furnizimet me gaz për këtë dimër janë të sigurta.

Në një intervistë të fundit me gazetën ”Süddeutsche Zeitung”, ai tha se furnizimet do të ishin gjithashtu të sigurta për dimrin 2023/24 “nëse nuk ndodh asgjë e paparashikuar”./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Lexo lajme interesante

You may also like