HELSINKI, 5 dhjetor /ATSH-DPA/ – Qeveria finlandeze paraqiti propozimin e saj zyrtar për anëtarësimin në NATO para ligjvënësve, sipas ministrit të Jashtëm Pekka Haavisto.
Propozimi erdhi pas shqyrtimit të rreth 1 600 përgjigjeve ndaj një plani fillestar. Finlanda dhe Suedia kanë shprehur interes për t’u bashkuar me aleancën e ndërsjellë të mbrojtjes që nga fillimi i pushtimit rus të Ukrainës në shkurt.
Propozimi rekomandon ratifikimin e Traktatit të Atlantikut të Veriut dhe Marrëveshjes së Otavës, dy dokumente që përbëjnë thelbin e aleancës prej 30 anëtarësh, e cila premton se një sulm ndaj njërit konsiderohet si sulm ndaj të gjithëve.
Qeveria e kryeministres Sanna Marin u ka thënë ligjvënësve se ka arritur në përfundimin se nënshkrimi i dy traktateve nuk do të ndërhyjë në sovranitetin finlandez ose nuk do ta pengojë atë të marrë pjesë në çështjet ndërkombëtare.
Deri më tani, 28 anëtarë të NATO-s kanë miratuar anëtarësimin e mundshëm të Finlandës dhe Suedisë. Vetëm Hungaria dhe Turqia ende nuk e kanë bërë këtë.
Hungaria ka treguar se do ta bëjë këtë së shpejti, por Turqia tha se ishte e shqetësuar që të dy vendet u kanë dhënë mbështetje “terroristëve, të parë si një referencë për disidentët që kërkojnë azil”.
Ligjvënësit finlandezë tani mund ta rishikojnë propozimin derisa anëtarësimi të miratohet nga vendet anëtare përfundimtare të NATO-s.
Në atë moment, presidenti finlandez Sauli Niinistö do të ketë të drejtën të marrë vendimin përfundimtar për anëtarësimin në bllok. /os/
