MOSKË, 30 qershor /ATSH-DPA/ – Kremlini po mbështet spiunazhin industrial për zhvillimin e Rusisë ndërsa vendi përballet me sanksionet perëndimore.
“Si në të kaluarën, një nga prioritetet e shërbimeve të jashtme sekrete (SVR) është të mbështesë zhvillimin e potencialit industrial”, tha presidenti rus Vladimir Putin gjatë një vizite në selinë e stafit të SVR-së.
”Kryesisht, kjo është e rëndësishme në funksion të sanksioneve perëndimore”, theksoi ai.
Putin tha se puna e agjentëve është një nga punët më të rëndësishme.
”Ata jo vetëm që duhet të marrin informacion nga industria, por edhe të ofrojnë bazën për planifikimin strategjik dhe analizën e proceseve ndërkombëtare”, tha Putin.
Vizita e Putinit në selinë e shërbimeve sekrete ishte me rastin e 100-vjetorit të shërbimeve të jashtme sekrete ruse, ish-sovjetike.
Vetë Putini ka qenë për një kohë të gjatë, një oficer i shërbimeve sekrete sovjetike (KGB) në ish-Gjermaninë Lindore në vitet 1980./ /a.i/