ELMAU, 27 qershor /ATSH-DPA/ – Rritja e përdorimit të kanabisit po çon në një barrë në rritje në objektet e kujdesit shëndetësor, sipas një raporti të OKB-së.
”Drogat në këtë klasë janë përgjegjëse për rreth 30% të terapive medikamentoze në Bashkimin Evropian”, thuhet në raportin e vitit 2022 nga Zyra e Kombeve të Bashkuara për Drogën dhe Krimin (UNODC) me qendër në Vjenë.
Në Afrikë dhe në disa vende të Amerikës Latine, shumica e terapive lidhen me varësinë nga kanabisi.
UNODC tha se fuqia në rritje e hashashit dhe marihuanës në treg, së bashku me konsumin e rregullt, ka çuar në një rritje të sëmundjeve psikologjike në Evropën Perëndimore.
Ai shprehu gjithashtu shqetësimin se barna të ndryshme më të fuqishme po gjenin tregje të reja. Konfiskimet treguan se kontrabanda e kokainës po përhapej në Afrikë dhe Azi nga zonat kryesore të shitjes së drogës në Amerikën e Veriut dhe Evropë.
Po kështu, metamfetamina nuk ishte më problem vetëm në Lindjen e Largët dhe Azinë Juglindore, por edhe në Afganistan dhe Meksikë.
UNODC vlerëson numrin e të rinjve dhe të rriturve që përdorin droga të paligjshme në 284 milionë, bazuar në të dhënat më të fundit të disponueshme nga viti 2020./ /os/