ROMË, 6 nëntor /ATSH-ANSA/ – Kryeministri japonez, Fumio Kishida dhe kryeministri i ri britanik, Rishi Sunak kanë rënë dakord, në një bisedë telefonike për të vazhduar mbështetjen për Ukrainën dhe për të ruajtur sanksionet kundër Rusisë, njoftoi sot Ministria e Jashtme japoneze.
”Të dy udhëheqësit ranë dakord gjithashtu të thellohen në këtë bashkëpunim dypalësh dhe kanë konfirmuar se të dy vendet do të përshpejtojnë bisedimet për përfundimin e shpejtë të një marrëveshjeje që do të forcojë ndërveprimin dhe bashkëpunimin mes forcave të tyre të armatosura si dhe një marrëveshje për zhvillimin e përbashkët të një avioni luftarak”, shtoi ajo.
Duke theksuar se siguria e Evropës dhe e rajonit indo-paqësor janë të pandashme, Kishida i tha Sunakut se ”Tokio mirëpret angazhimin britanik për forcimin e pranisë së saj në rajon”./ a.jor.
