KIEV, 27 nëntor /ATSH-DPA/ – Kievi njoftoi sot nisjen e një programi ndërkombëtar ndihme të quajtur “Grurë nga Ukraina”, një përpjekje për të fituar mbështetjen e vendeve në Afrikë dhe Azi, në një përpjekje për të luftuar pushtimin rus.
“Ukraina ka qenë gjithmonë dhe do të mbetet garantuesi i sigurisë ushqimore botërore dhe madje edhe në kushte kaq të vështira lufte, udhëheqja ukrainase punon për hir të stabilitetit global”, tha presidenti Volodymyr Zelensky në një konferencë për shtyp gjatë një vizite nga kryeministri belg, Alexander de Croo.
Programi do të sigurojë dërgesa ushqimore në vendet më të varfra.
”Rreth 60 anije do të dërgohen nga portet e Detit të Zi të Ukrainës në vende të tilla si Sudani, Jemeni apo Somalia, deri në mes të vitit të ardhshëm”, tha Zelensky.
Zelensky tha se Ukraina dëshiron të dërgojë grurë me vlerë 150 milionë dollarë në vendet më të varfra në botë me ndihmën e aleatëve të industrializuar perëndimorë.
“Siguria ushqimore është një nga elementët kryesorë të stabilitetit global,” tha Zelensky në fjalimin e tij të përditshëm me video.
“Shuma totale që kemi grumbulluar për ‘Grain From Ukraine’ është tashmë rreth 150 milionë dollarë. Puna vazhdon. Ne jemi duke përgatitur deri në 60 anije”, tha ai.
Nisma synon të kundërshtojë pretendimet ruse se vendet e pasura të Perëndimit provokuan krizën globale të ushqimit me sanksionet e tyre kundër Moskës.
Ndërsa Perëndimi e ka dënuar luftën ruse në Ukrainë, shumë vende në Azi dhe Afrikë po frenohen me një vlerësim – ndonjëherë nga frika e pasojave.
Rusia konsiderohet gjithashtu një nga furnizuesit më të mëdhenj të grurit në mbarë botën./ a.jor.
