ROMË, 25 shkurt /ATSH-ANSA/- Komiteti i Ministrave të Këshillit të Evropës, presidencën e të cilit e mban Italia, ka marrë vendimin për përjashtimin e Federatës Ruse nga anëtarësimi i saj, në zbatim të nenit 8 të Statutit të Këshillit të Evropës.
‘’Italia beson se kjo është një masë e nevojshme në dritën e agresionit të papranueshëm ushtarak rus kundër Ukrainës, i cili përbën një shkelje të rëndë të ligjit ndërkombëtar’’, deklaroi ministri i Jashtëm Luigi Di Maio, presidenti në detyrë i Komitetit të Ministrave të Këshillit të Evropës.
Këshilli i Evropës përbëhet prej 47 vendesh. /os/