TEHERAN, 1 tetor /ATSH-DPA/- Irani ka mbyllur hapësirën ajrore mbi Teheran pasi lëshoi një breshëri raketash në Izrael sot në mbrëmje.
“Fluturimet në aeroportin e kryeqytetit janë anuluar deri në orën 10 të mëngjesit të së mërkurës”, njoftoi sot në mbrëmje agjencia e lajmeve ISNA, duke cituar një zëdhënës të aeroportit.
“Sulmi i Iranit ishte në hakmarrje për vrasjen e udhëheqësve të Hamasit dhe Hezbollahut”, tha një zyrtar.
I ashtuquajturi bosht i rezistencës i Iranit është një rrjet grupesh aleate të Iranit që përfshin organizatën palestineze Hamas, Hezbollahun dhe Houthis, në Jemen.
Sulmi erdhi disa orë pasi IDF-ja nisi një operacion tokësor “të kufizuar, të lokalizuar” kundër objektivave të Hezbollahut, në Libanin jugor.
Pas disa muajsh përleshjesh ndërkufitare midis forcave izraelite dhe Hezbollahut, i cili thotë se vepron në solidaritet me Hamasin në Gazë, Izraeli filloi një fushatë ajrore intensive për të goditur objektivat e Hezbollahut në të gjithë Libanin, javën e kaluar.
Përshkallëzimi i vazhdueshëm ka rritur frikën se rajoni është në prag të një lufte gjithëpërfshirëse rajonale. //a.i/
