BRUKSEL, 17 nëntor /ATSH-DPA/ – Inflacioni i eurozonës arriti në 10,6% në tetor, më i larti që nga krijimi i zonës së monedhës 19-anëtareshe në vitin 1999, raportoi Eurostat, agjencia e statistikave të BE-së.
Në Bashkimin Evropian në tërësi, inflacioni u rrit me 11,5% në tetor, 0,6 pikë përqindje më shumë nga 10,9% e regjistruar në shtator.
Një vit më parë, norma ishte 4,4%.
Rritja në Eurozonë është 0,7 pikë përqindje krahasuar me shtatorin, kur inflacioni ishte 9,9%.
Në të njëjtën periudhë të vitit të kaluar, norma e inflacionit në eurozonë ishte 4,1%.
Një vlerësim i mëparshëm i Eurostat për muajin tetor kishte vendosur parashikimin e inflacionit për zonën e euros në 10,7%.
”Rritja e kostove të energjisë në lidhje me luftën e Ukrainës ka përkeqësuar përsëri inflacionin në zonën e euros”, tha Eurostat./ /os/