VJENË, 22 nëntor /ATSH-DPA/ – Termocentrali bërthamor i Zaporizhias mbetet i paprekur, pavarësisht nga granatimet e rënda prej muajsh, sipas një vlerësimi nga Agjencia Ndërkombëtare e Energjisë Atomike (IAEA).
“Pavarësisht ashpërsisë së bombardimeve, pajisjet kryesore mbeten të paprekura dhe nuk ka shqetësime të menjëhershme për sigurinë bërthamore”, thuhet në njoftim.
Megjithatë, agjencia tha se situata mbetet serioze, veçanërisht për shkak të shkatërrimeve në të gjithë vendin.
“Ky është një shkak i madh shqetësimi pasi tregon qartë intensitetin e sulmit ndaj një prej termocentraleve më të mëdha bërthamore në botë”, thuhet në një deklaratë nga drejtori i përgjithshëm i IAEA, Rafael Grossi./ a.jor.
