ANKARA, 22 nëntor /ATSH-DPA/ – Gjermania ka paralajmëruar Turqinë kundër përdorimit të tepruar të forcës në ofensivën e saj të re kundër forcave kurde në Siri dhe Irak.
Ministrja e Brendshme gjermane, Nancy Faeser i bëri thirrje Turqisë të parandalojë një përshkallëzim të dhunës.
”Gjermania është në anën e Turqisë në luftën kundër terrorizmit, por reagimi duhet të jetë proporcional”, tha Faeser të martën në Ankara në një takim me homologun e saj turk, Suleyman Soylu.
Ajo kërkoi respektimin e ligjit ndërkombëtar dhe mbrojtjen e civilëve.
Që nga e diela, Turqia ka goditur pozicionet e milicisë kurde në Siri dhe Irak, të cilat i fajëson për një sulm më 13 nëntor në qendër të Stambollit.
Ankaraja po sulmon objektiva në rajonet e kontrolluara nga milicia kurde siriane, Njësitë e Mbrojtjes së Popullit (YPG).
Turqia e sheh YPG-në si një degë të Partisë së ndaluar të Punëtorëve të Kurdistanit (PKK). PKK konsiderohet gjithashtu një organizatë terroriste në Gjermani, ndërsa YPG jo./ a.jor.