FOKUS – Çmimet e lëndëve të para në nivele historike, pas konfliktit ruso-ukrainas

by admin
Spread the love
1a7253ebfd94147be1a9016b1f9dc492.jpeg

LONDËR, 7 mars /ATSH-AFP/ – Çmimet e metaleve vazhduan të rriten sot përballë pasojave të luftës ruso-ukrainase, me aluminin që tejkaloi kufirin e 4 000 dollarëve për ton për herë të parë, ndërsa bakri arriti një nivel të ri historik.

Pak para orës 08:00 GMT, një ton alumin arriti kulmin në 4 073 dollarë në tregun e metaleve bazë në Londër (London Metal Exchange, LME).

Bakri arriti në 10 777 dollarë për ton pak para orës 8:00 GMT, pasi kishte arritur një nivel historik disa orë më parë, në 10 845 dollarë.

Nikeli u rrit me më shumë se 25%, deri në 36 800 dollarë rreth orës 7:15 GMT.
Situata në Ukrainë bëri që ari, një strehë e sigurt, të kalonte 2 000 dollarë për ons mëngjesin e sotëm duke arritur nivelin më të lartë që nga shtatori 2020, përpara se të binte pak.

Çmimi i një fuçi Brent nga Deti i Veriut ishte afër 140 dollarëve, dje rreth orës 23:00 GMT, afër nivelit të tij historik prej 147,5 dollarësh të arritur në korrik 2008./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

You may also like