Flamurtari ka marrë fitoren e parë sezonale në kampionat në shtëpi, pasi ka mposhtur 2-0 Besën në sfidën që hapi javën e katërt të Kategorisë së Parë dhe u transmetua live dhe ekskluzivisht në Oversport dhe Tibo.
Vlonjatët kanë vulosur suksesin që në pjesën e parë, falë golave të shënuar nga Juri (me penallti) dhe Souza de Oliveira. Falë këtij suksesi djemtë e Troisit janë ngjitur në kuotën e shtatë pikëve dhe qëndrojnë aktualisht në vendin e dytë në renditje.
Ndërkohë që Besa mbetet në kuotën e 4 pikëve në klasifikim. Në orën 15:00 do të luhen edhe 4 sfida të tjera të javës së katërt të Kategorisë së Parë. / Oversport.tv
