Samsung Electronics Co Ltd raportoi të enjten një rritje të vlerësuar prej 50% të fitimeve operative në tremujorin e parë, duke regjistruar fitimin më të lartë të tremujorit të parë që nga viti 2018 dhe duke mposhtur pritshmëritë, pasi kërkesa solide mbështeti çmimet për chip-at e memories.
Fitimet e prodhuesit më të madh të chip-ave të memories dhe smartphone-ve në botë u mbështetën edhe nga shitjet e smartphone-ve në tremujor, si dhe ndërprerja në një fabrikë rivale të chip-ave NAND Flash, thanë analistët.
Samsung deklaroi në një komunikatë paraprake mbi të ardhurat se fitimi në tremujorin e parë ishte 14,1 trilionë won (11,6 miliardë dollarë), përkundër një vlerësimi të Refinitiv SmartEstimate prej 13,3 trilionë won. Të ardhurat ka të ngjarë të jenë rritur me 18% krahasuar me të njëjtën periudhë të vitit të mëparshëm, duke arritur rekordin prej 77 trilionë won, edhe kjo shifër mbi pritshmëritë e tregut.
“Strategjia mposhti pritshmëritë e tregut, me shumë gjasa për shkak të dërgesave të chip-ave të memories dhe çmimeve më të mira se parashikimi” – tha Park Sung-soon, analist i Cape Investment & Securities.
Edhe pse çmimet e chip-ave ranë në tremujorin e parë, analistët thanë se kërkesa e qëndrueshme nga klientët e qendrave të të dhënave, shpenzimet e kujdesshme në investime nga prodhuesit e chip-ave dhe zgjerimi i kufizuar i kapacitetit nxitën fitimet e chip-ave të Samsung, që përbëjnë rreth gjysmën e fitimeve totale.
Sipas Counterpoint Research, Samsung dërgoi rreth 72 milionë smartphone në tremujorin e parë, në rënie me rreth 11% krahasuar me një vit më parë, për shkak të daljes më vonë se zakonisht në treg të smartphone të tij, Galaxy S22.
Seria Galaxy S22 shiti globalisht rreth 50% më shumë në javën e parë pas daljes në treg në fund të shkurtit krahasuar me modelin e mëparshëm S21, sipas Sujeong Lim, drejtues në Counterpoint.
Vlerësohet se Samsung ka dërguar pak më shumë se 6 milionë njësi të modelit S22 në fund të marsit, tha Lim, duke shtuar se shitjet ishin në linjë me pritshmëritë e para.
Samsung pritet t’i publikojë të ardhurat e detajuara më 28 prill, kur investitorët do të jenë të interesuar të dëgjojnë çfarëdo komenti mbi planet e saj të M&A, se si planifikon të menaxhojë biznesin e tij të chip-ave të memories për të rritur të ardhurat dhe perspektivën e kërkesës për chip-ave.
/ Reuters
