Filloi mbledhja për pyetjet e deputetëve

by admin
Spread the love




Me vonesë prej gjysmë ore filloi mbledhja parlamentare kushtuar parashtrimit të pyetjeve të deputetëve, në të cilën gjithsej dhjetë deputetë janë paraqitur për të marrë fjalën.

Në fillim të mbledhjes koordinatori i grupit parlamentar të VMRO-DPMNE-së, Nikolla Micevski me vërejtje procedurale reagoi se në mbledhje nuk janë të pranishëm një numër i madh i përfaqësuesve të Qeverisë.

“Pyetja ime është ku është gjysma e Qeverisë? Mbledhja fillon me 35 minuta vonesë sepse përfaqësuesit e Qeverisë nuk ishin këtu. Është mirë që para fillimit të mbledhjes të numëroheni. Nuk e di nëse kjo sjellje që e keni ndaj qytetarëve do të donit ta pasqyronit edhe para deputetëve”, tha Micevski duke e akuzuar nënkryetarin e kuvendit, Goran Misovski se nuk ka guxim t’i thotë kryeministrit që t’i thërrasë të gjithë përfaqësuesit e Qeverisë.

Misovski, tha se do ta vazhdojë mbledhjen edhe pas orën 18, për shkak të vonesës objektive dhe tha se është i vetmi i cili derisa udhëhiqte me mbledhje edhe kryeministrit ia ka marrë fjalën.

“Kryetari i Qeverisë ka për detyrë, është detyrë e të gjithë përfaqësuesve të Qeverisë që të jenë të pranishëm në mbledhje. Shumica e përfaqësuesve janë këtu. Rregullorja lejon që kryeministri të japë përgjigje nëse ndonjë përfaqësues i Qeverisë nuk është i pranishëm”, tha Misovski.

Deputeti Halil Snopçe nga Aleanca për Shqiptarët reagoi se nuk është korrekte që përgjigjet e pyetjeve të deputetëve nga muaji i kaluar t’i marrin në ditën e mbledhjes. Ai theksoi se nuk do të deklarohet pas përgjigjeve.


You may also like