Lëvizja e Ukrainës në Kherson do të jetë “shumë më e vështirë” për shkak të shkatërrimit të digës Kakhovka, ka thënë një oficer i lartë në pension i Ushtrisë Britanike.
Për Sky News, gjeneralmajor Rupert Jones tha se situata rreth kundërsulmit mbetet “e paqartë”, por ajo që është e sigurt është se diga është “dëmtuar në mënyrë të konsiderueshme”.
“Kemi përmbytje të menjëhershme në zonat poshtë digës. Flitet se 16,000 banorë janë në rrezik”- tha Jones, duke shtuar se: “Ka evakuime lokale që po ndodhin ndërsa flasim, shqetësimi i dytë i menjëhershëm është rreth centralit bërthamor të Zaporizhzhia.”
Autoritetet kanë thënë se nuk ka shqetësime të menjëhershme rreth objektit. Por në terma afatgjatë, gjenerali Jones paralajmëroi se furnizimet me ujë të pijshëm mund të preken, si dhe energjia hidroelektrike.
“Kjo është përpara se të filloni ndonjë shqetësim rreth operacionit ushtarak. Përmbytjet do ta bëjnë qartë manovrën e Ukrainës në atë zonë shumë më të vështirë,” tha ai.
Top Channel
