Është ndarë nga jeta regjisorja e njohur Vjosa Berisha. Regjisorja nuk ka arritur ta fitojë betejën me sëmundjen e kancerit, me të cilin po përballej prej disa kohësh. Vjosa ka ndërruar në spitalin University College Hospital në Londër. Lajmin e ka bërë të ditur bashkëshorti i saj, Fatos Berisha përmes një postimi në Instagram.
“Me pikëllim të thellë bëjmë të ditur se e dashura jonë Vjosa Berisha ndërroi jetë, sot me datë 23 qershor në spitalin University College Hospital në Londër. Datën dhe vendin e varrimit do ta bëjmë të ditur më vonë. Familjet Berisha dhe Istrefi.”, ka shkruar ai.
Vjosa ka treguar se është diagnostikuar me kancer në vezore dhe pas operimit u trajtua me kimioterapi. Regjisorja herë pas here ka dhënë mesazhe motivuese ndaj pacientëve që vuajnë me të njëjtën sëmundje, por ajo vetë nuk arriti dot ta fitonte luftën.
