Ajo është një nga artistet më të preferuara në Shqipëri. Bëhet fjalë për Filloreta Raçin, e njohur ndryshe edhe me emrin e artit Fifi, e cila pa dyshim është një nga këngëtaret më të dëgjuara në vendin tonë. Prej disa kohës, Fifi është në një marrëdhënie dashurie me Adis Patushin, lidhja e të cilëve diskutohet gjatë prej kohësh në media.
Si Fifi, ashtu edhe Adisi janë shumë aktivë në rrjete sociale, teksa herë pas here publikojnë momente romantike me njëri-tjetrin dhe nuk ngurrojnë as t’i shprehin dashurinë publikisht njëri-tjetrit. Së fundmi, këngëtarja i ka bërë një kërkesë publike partnerit të saj.
Përmes një postimi në rrjete sociale, ku ajo shihet krah partnerit të saj, këngëtarja i ka kërkuar Adisit unazën, si dhe i ka shprehur dashurinë deri në vdekje. ‘Të dua deri në vdekje dhe hajde tundu mos më rri…unazën tani!!’ – shkruan Fifi në postimin e saj.
Teksa sigurisht nuk ka munguar as reagimi e përgjigja e Adis Patushit, i cili e ka ripostuar në profilin e tij story-n e Fifit dhe shkruan se këtë gjë e ka planifikuar në jetën e tij. ‘Unë e kam pas planifiku në jetën time ktë’.
