Drita ka vazhduar me paraqitje pozitive në ndeshjet kontrolluese në Antalya të Turqisë.
Skuadra e Ardian Nuhiut, sot ka zhvilluar miqësoren e radhës ndaj ekipit kombëtar të Irakut U23.
Bardhekaltrit kanë shënuar fitore të thellë me rezultat 4-1.
Golat për Dritën i realizuan Ard Limani (20′), Albin Krasniqi (44′ dhe 53′) dhe Ardian Cucui (76′).
Edhe në këtë ndeshje të gjithë lojtarë e ekipit morën minutat e parapara nga shtabi teknik.
Deri më tani, në fazën përgatitore, gjilanasit kanë zhvilluar tri miqësore duke arritur t’i fitojnë dy prej tyre, ndërsa njëra u mbyll me barazim.
