Me Frank Lampard në prag të emërimit si trajneri i ri i Evertonit, Toffees po kërkojnë ta bëjnë Donny van de Beek nënshkrimin e parë të periudhës së tij në krye të klubit.
Ish-mesfushori i Ajax-it nuk ka pasur një kohë të suksesshme në Angli që kur iu bashkua Manchester United, por ai tani mund të gjejë një vend për të luajtur futboll më të rregullt nën drejtimin e Lampard në Goodison Park.
The Guardian, i cili raportoi të shtunën se emërimi i Lampard mund të zyrtarizohet të dielën, thotë se është arritur një marrëveshje midis Everton dhe Manchester United që Van de Beek të ndryshojë ambient në janar.
Klubi nga Merseyside do të paguajë të gjithë pagën e holandezit deri në fund të sezonit.
