Në një nga ndërtesat historike të Parisit, ndërtuar në vitin 1862, përkatësisht në “Théâtre du Châtelet”, sonte po ndahen çmimet për më të mirët e këtij viti në botën e futbollit, shkruan Insporti.
Futbollisti më i mirë, futbollistja më e mirë, portieri më i mirë, lojtari më i mirë i ri dhe shumë çmime të tjera po ndahen sonte.
Çmimin “Portieri më i mirë” – Yashin Trophy – i takoi portierit të PSG-së, Donnarmma.
“Ka qenë një vit i pabesueshëm, duke nisur nga kualifikimi në CHL me Milanin, deri te Kampionati Botëror. Jam pa fjalë. Më pas kalimi tek PSG, jam shumë krenar. Ishte shenjë e fatit, sepse e kam ndjekur gjithmonë dhe ishte fat që transferimi erdhi këtu. Shpresoj që t’i shpërblejë në fushë me këtë fanellë. Falenderoj familjen, të fejuarën, babain e nënën” – tha Donnarumma pasi fitoi çmimin, përcjell Insporti.
