Një nga vendimet më të mëdha të Mauricio Pochettino në fillim të këtij sezoni ka qenë zgjedhja për portën në mes Keylor Navas dhe Gianluigi Donnarumma.
Kostarikani është përzgjedhur përpara italianit te Paris Saint-Germain që kur ky i fundit erdhi nga AC Milan në verë.
Navas ka luajtur gjashtë ndeshje në Ligue 1, duke mbajtur dy herë portën e pastër dhe ka luajtur në dy ndeshje në Champions League, duke pësuar vetëm gjashtë gola. Donnarumma, nga ana tjetër, ka luajtur në katër ndeshje të Ligue 1 dhe një ndeshje evropiane.
Kjo mund të çojë që agjenti i Donnarumma, Mino Raiola, të shikojë ta largojë atë nga Paris Saint-Germain për të qenë zgjedhja e parë diku tjetër, sipas Calciomercato.com.
Aktualisht Navas ka besimin e trajnerit të PSG-së, Pochettino, por edhe të bashkëlojtarëve të tij. Kështu duket për momentin, Donnarumma do të duhet të vendoset për një vend në stol dhe të luftojë për një vend fillestar.
‘Nuk ka asnjë luftë mes Gigio-s dhe Navas në PSG, Gigio do të luajë’, tha Raiola për RAI Sport një muaj më parë.
Nëse situata nuk ndryshon para fundit të sezonit, qëndrimi i Donnarumma në Paris mund të jetë i shkurtër.
