Luizi dhe Kiara janë një nga çiftet më simpatikë të këtij edicioni të dytë të Big Brother VIP Albania. Duket se dyshja po kalojnë ditët e fundit së bashku në shtëpinë më të famshme në Shqipëri, pasi Kiara është në një nominim të fortë këtë javë përballë Oltës.
Teksa po qëndronin të përqafuar së bashku, Luizi i tha Kiarës se ai do t’i nxjerrë të gjithë banorët nga shtëpia një e nga një. Këngëtari u shpreh se ai i sheh si pengesë të gjithë ata që nuk e lejojnë të jetë me të, ndërsa i premtoi se ai do të jetë përgjithmonë Luizi i saj.
“E di si i shoh unë këta, i shoh si pengesë për të qenë me ty, kështu që do i kaloj se s’bën. Ti kaloj këta dhe pastaj jam Luizi jot përgjithmonë”, i tha Luizi – Kiarës.
Kiara dhe Olta janë në nominim kokë më kokë këtë javë dhe një prej tyre pritet që të lërë shtëpinë ditën e shtunë. Megjithatë, secila nga dyshja ka mundësi të kthehet sërish me biletën e kthimit në shtëpi.