Prej disa ditësh tashmë, këngëtarja dhe moderatorja e njohur shqiptare, Eneda Tarifa, është kthyer në kryefjalën e mediave rozë. Gjithçka nisi kur u publikuan disa foto të saj me basketbollistin Gent Lasku, ku shfaqej duke u përqafuar dhe duke pirë verë së bashku.
Në këtë mënyrë, Eneda ka konfirmuar që ka lënë pas përgjithmonë lidhjen e saj 18-vjeçare me Erjon Zaloshnja, me të cilin ka edhe një vajzë. Por çfarë thoshte Tarifa pas divorcit nga ish-partneri?
E ftuar në “ABC e Pasdites”, një vit më parë, ajo u shpreh se në një mënyrë a një tjetër e konsideron dështim çdo lidhje që ka shkuar në martesë e më pas në divorc.
“Nuk do doja të martohesha më, por jo sepse nuk e dua martesën si institucion. Unë mendoj që asnjë marrëdhënie që ka shkuar deri në martesë nuk duhet të mbaroj sepse është një trishtim, martesa sjell gjëra të mira, familjen, rritjen e fëmijëve, pa mungesë të të dy prindërve.
Edhe pse kur prindërit ndahen mundohen t’ja plotësojnë të gjitha, por kur je në të njëjtën shtëpi është tjetër”, deklaronte Eneda asokohe.
