Dërgesat e Tesla-s bien gati 18% në tremujorin e dytë pas mbylljes së fabrikës në Kinë

by admin
Spread the love

Tesla dërgoi 254,695 automjete elektrike (EV) në botë në tremujorin e dytë, 18% më pak krahasuar me periudhën e mëparshme.

Rënia e dërgesave u ndikua nga kufizimet në zinxhirin e furnizimit, masat kufizuese në Kinë si rezultat i COVID-19 si dhe sfidat e hapjes së fabrikave të reja në Berlin dhe Austin.

Kjo është hera e parë në dy vjet që dërgesat e Tesla-s, të cilat ishin 310,048 në tremujorin e parë të këtij viti, ranë nga tremujori në tremujor.

Dërgesat e Tesla-s u rritën me 26.5% në tremujorin e dytë të vitit të kaluar.

Rënia e këtij tremujori është në përputhje me problemet më të gjera të zinxhirit të furnizimit në industri. Ajo gjithashtu thekson rëndësinë e fabrikës së Tesla-s në Shangai për kompaninë.

Tesla e mbylli fabrikën në Shangai disa herë në mars për shkak të rritjes së rasteve me COVID-19 që shkaktoi izolimin e plotë të vendit.

Image Credits: Tesla/screenshot

Kompania raportoi të shtunën se prodhoi 258,580 EV, me ulje prej 15% krahasuar me tremujorin e mëparshëm, me 305,407 automjete.

Ashtu si në tremujorët e mëparshëm në dy vitet e fundit, shumica e automjeteve të prodhuara ishin Modeli 3 dhe Modeli Ys. Vetëm 16,411 nga makinat e prodhuara ishin modele më të vjetra si Modeli S dhe Modeli X.

Tesla deklaroi në raportin e kompanisë se qershori 2022 ishte muaji më i miri i prodhimit të automjeteve në historinë e kompanisë. Pavarësisht këtij momenti historik, prodhuesi i EV, si kompanitë e tjera në industri, ka luftuar për të plotësuar kërkesat e tregut ndërsa problemet e zinxhirit të furnizimit vazhdojnë. / Tech Crunch


Monitor sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Lexo lajme interesante

You may also like