Në fillim të këtij viti, IDC deklaroi se dërgesat e PC në tremujorin e dytë 2022 u tkurrën me 15.3% krahasuar me të njëjtin tremujor një vit më parë. Analistët tashmë kanë publikuar edhe rezultatet paraprake për tremujorin e tretë, të cilat tregojnë se sektori ka pësuar një tjetër rënie me 15%.
Numri total i dërgesave (drejtpërdrejt konsumatorëve si dhe ato në kanalet e shpërndarjes) arrin në 74,3 milionë, në rritje krahasuar me 71,3 milionë në tremujorin e dytë, por nën 80,5 milionë njësi të dërguara në tremujorin e parë (që përfaqësojnë rënie me 5,1% krahasuar me tremujorin e parë 2021).
Në përgjithësi, duket se 2022 do të jetë më i dobët se viti i kaluar. Thënë kjo, dërgesat janë ende “mbi” nivelet e parapandemisë, kur pjesa më e madhe e PC-ve të blerë synonin të zëvendësonin pajisjet e vjetra Windows 7, duke qenë se sistemi operativ po i afrohej fazës së fundit të jetës (skandenca më 14 janar 2020).
Çfarë do të ndodhë më tej? IDC analizoi gjithashtu Çmimet Mesatare të Shitjes (ASP) të kompjuterëve. Komponentët mungonin dhe çmimet e tyre u rritën (ashtu si edhe kostot e logjistikës), për rrjedhojë ASP u rritën për pesë tremujorë me radhë, duke arritur kulmin 910 dollarë në tremujorin e parë të këtij viti, niveli më i lartë që prej vitit 2004.
Megjithatë, ASP ranë në tremujorin e dytë dhe sërish në tremujorin e tretë, gjë që tregon “një treg në tërheqje” – shkruan Linn Huang, zv.president i kërkimit, Devices & Displays di IDC.
/ GSMArena
