Në shtatë takimet e sotme të kampioantit amerikan të basketbollit ekipet vendase shënuan katër fitore ndërsa mysafirë tre.
Denver rikthehet te fitorja në NBA pas triumfit në sekondat e fundit ndaj Nju Orleans me rezultatin 99-98. Jokiq realizoi sërish një “triple double”, me 25 pikë 11 kërcime e 10 asist, mbështetur edhe nga Murray, I cili gjithashtu realizoi 25 pikë.
Derbi i Los Anxhelosit fitohet nga Clippers, që mundën Lakersin me rezultatin 133-115. Më efikas ishin Paul George me 27 pikë e Kawhi Leonard me 25 te Clippers, ndërsa LeBron James me 46 pikë 8 kërcime e 7 asist ishte më efikas te skuadra vendase
Fitore të rëndësishme dhe me vlerë shënoi Miami në përballjen me Boston, për të cilën ekip ishte humbaj e dytë radhazi. Miami fitoi me rezultatin 98-95. Më efikas ishte Adebayo me 30 pikë e 15 kërcime, ndërsa te ekipi Boston u dallua Tatum I cili realizoi 31 pikë e 14 kërcime.
Në ndeshjet e tjera, Washington mundi Dallasin 127-126 . Kuzma me 30 pikë ishte më efikas te vendasit , ndërsa Donçiq me 41 pikë ishte më efikas te Dallas. Phoenix, mundi Charlotten128-97 , Johnson ishte më efikas me 24 pikë, ndërsa Indiana mundi Çikagon 116-110. Realizator më mire ishin Turner e Mathurin me nga 26 pikë.
Rezultatet e sotme
Indiana – Chicago, 116-110
Miami – Boston, 98-95
Nju York – Cleveland, 105-103
Nju Orleans – Denver, 98-99
Dallas – Washington, 126-127
Phoenix – Charlotte, 128-97
Lakers – Clippers, 115-133
Përgatiti: Shaban Sinani /Shqip/