Deklarata e zotimeve qeverisëse të Aleancës për Shqiptarë

by admin
Spread the love

Sepse transparenca dhe llogaridhënia janë vlerat themelore të veprimit politik të Aleancës për Shqiptarët, sot paraqesim para opinionit Deklaratën e zotimeve qeverisëse, të dakorduar midis Kryetarit, Arben Taravari dhe Kryeministrit, Dimitar Kovaçevski, të cilën kryeministri do ta konfirmojë para të zgjedhurve të popullit dhe qytetarëve.

Kjo dekalaratë është gurëthemeli i punës sonë të ardhshme brenda koalicionit qeverisës. Kemi përcaktuar pesë prioritete të ndara në 22 zotime konkrete, për të cilat do të angazhohemi me tërë energjinë tonë deri në fund të legjislaturës.

Për të zbatuar këto zotime, Aleanca për Shqiptarët ka zgjedhur më të mirët në radhët e veta për të udhëhequr resoret e saj brenda koalicionit qeverisës:

Krenar Lloga, Ministër i Drejtësisë.

Fatmir Mexhiti, Ministër i Shëndetësisë.

Azir Aliu, Ministër i Shoqërisë Informatike dhe i Administratës Publike.

Vjollcë Berisha, Zëvendës Ministre e Bujqësisë, Pylltarisë dhe Ekonomisë së Ujërave.

Tiron Jajaga, Zëvendës Ministër i Mbrojtjes.

Ky ekip do të përkrahet nga një numër i madh i zyrtarëve të shpërndarë në shumë drejtori dhe agjencione në të gjitha fushat e jetës publike.

Futja e Aleancës për Shqiptarët në Qeveri është e bazuar në parimet e demokracisë së brendshme dhe të demokratizimit të shoqërisë, në një kohë kur Maqedonia e Veriut përballet me kriza të shumëfishta, që të gjitha përcaktuese për orientimin pro-perëndimor të vendit. Aleanca për Shqiptarët po merr përgjegjësinë si parti shtetndërtuese, e bindur se me sinqeritet dhe me pastërti, me transparencë dhe demokraci, do të prodhojmë vlera dhe rezultate, për të mirën e qytetarëve dhe për të mirën e ekonomisë, demokracisë dhe drejtësisë në Maqedoninë e Veriut.







Artikulli paraprakPioli i lumtur që Milani u rikthye te fitoret
Artikulli tjetërUnited interesohet për Dybalan, argjentinasi ka një klauzolë shumë të vogël largimi nga Roma




You may also like