Çudi, ende po punojnë me rregullore të Besim Hasanit në KOK!?

by admin
Spread the love

Çudi apo jo! Sot dy zyrtarë të Bordit të Komitetit Olimpik të Kosovës, për hir të korrektësisë, nuk do t’i publikojmë emrat e tyre, thanë se kjo rregullore për kategorizimin e sporteve është produkt i Besim Hasanit!

Sa e di opinioni, Besim Hasani me 25 mars të vitit 2021, i ka humbur zgjedhjet nga Ismet Krasniqi.

Besim Hasani qe 10 muaj nuk është president i KOK-ut dhe nëse për gabimet e tyre mundohen t’ia veshin fajin atij, ky është një paradoks i llojit të vet. Edhe pse zyrtarisht nuk e thonë, por e thonë privatisht!

Por Komisioni i Komitetit Olimpik të Kosovës, është mirë ta sqarojë në detaje përse Federata e Futbollit u rangua e 6-ta dhe basketbollit në të pestin, e atletika ka mbetur shumë poshtë në kategorinë B.

Është mirë komisioni që ta sqarojë profesionalisht deri në pikën e fundit e në imtësi këtë punë të paktën në faqen zyrtare të KOK-ut, pse këto federata mbeten poshtë. Po ashtu ta sqarojnë edhe çështjen e xhudos, pse iu hoqën edhe pak pikë, për shkak mos suksesit apo çfarë ngjau! A mos vallë se Besim Hasani ka faji edhe këtu. Kur reagon Driton Kuka është sinjali më i qartë!  

Ata dy zyrtarë që thonë se ato rregullore janë bërë kohën e Besim Hasanit, kanë pas kohë gjatë gjithë verës e vjeshtës mi përmirësuar ato gjërat, por pse nuk e bën, e din vetë ata. Edhe një anëtar i Komisionit tha sot se nuk është në rregull me rregullore por duhet ndryshuar ajo. Që besa edhe skijimit është lënë shumë poshtë e ka normë olimpike dimërore.

You may also like