COVID-19 – Një milion raste të reja në Kinë

by admin
Spread the love

PEKIN, 23 dhjetor /ATSH-DPA/ -Rritja e re e rasteve me COVID-19 në Kinë po shkakton shqetësim në rritje për përhapjen e varianteve të reja të mundshme, pasi modelet sugjerojnë se vendi regjistron më shumë se 1 milion infeksione në ditë.

Departamenti i Shëndetësisë i Kinës u ka bërë thirrje autoriteteve provinciale që të analizojnë rregullisht mostrat e virusit dhe të raportojnë rezultatet, për të identifikuar çdo variant të ri të përfshirë në shpërthimin e fundit.

Departamenti u tha zyrtarëve provincialë që të zgjidhnin tre spitale në secilin prej tre qyteteve për të mbledhur mostra të 15 infeksioneve, 10 sëmundjeve të rënda dhe të gjitha vdekjeve çdo javë.

Rezultatet priten brenda një jave pasi shkencëtarët të kenë analizuar mostrat.

Zyrtarët më pas mund të monitorojnë “simptomat e mundshme, kapacitetin e transmetimit dhe patogjenitetin e varianteve të reja me ndryshime të mundshme biologjike” në kohë reale, sipas drejtorit të institutit të viruseve të departamentit të shëndetësisë, Xu Wenbo, sipas agjencisë së lajmeve Xinhua.

Pekini ka minimizuar shkallën dhe ashpërsinë e shpërthimit të fundit, duke shkaktuar shqetësim jashtë vendit.

Autoritetet shëndetësore kineze kanë raportuar vetëm disa mijëra infeksione në ditë, ndërsa modelet nga Airfinity, një institut kërkimor me bazë në Londër, sugjerojnë se ka më shumë se 1 milion infeksione në ditë dhe më shumë se 5 000 vdekje. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Lexo lajme interesante

You may also like