Cilës foto ti besojmë? Cila palë ka votuar në PPE si përfaqësues i PD

by admin
Spread the love

Gara se cilën nga palët armike në PD njohin Partitë Popullore Evropiane është shndëruar në rivalitet mes tyre. Debati po zhvillohet lidhur me faktin se a ka ndryshuar gjë pas rizgjedhjes së Berishës dhe nëse demokratët kanë marrë një ndëshkim për këtë sipas modelit të non gratas amerikane.

Pjesa e e ish Bashës ka propoganduar perzencën atje të Jorida tabakut që e konsideron si të sajën. Ata të foltores pretendojnë të kundërtën duke thënë se kanë në Rotërdam përfaqësuesit e tyre, Albana Vokshi dhe Belind Këlliçi.

Por në fakt gjërat nuk janë kaq të qarta. Vendimi i familjes së madhe të partive të djathta është që ta ngrijë PD-në deri sa të sqarohet përfundimisht gara mes palëve rivale dhe deri sa gjykatat shqiptare të marrin një vendim të prerë. Për këtë qëllim ata nuk i kanë çuar asnjë ftesë zyrtare selisë së PD-së e kanë ngrirë këtë parti dhe kanë ndaluar që secili nga përfaqësuesit e saj të ketë të drejtë vote për rizgjedhjen e Presidentit të EPP, Manfred Weber.

Po atëherë pse ndodhen aty, Jorida Tabaku, Belind Këlliçi dhe Albana Vokshi? Një burim nga Rotërdami sqaroi për Shqip se ata janë aty me tagra të ndryshëm, Tabaku si përfaqësuese e delegacionit në KE, Këlliçi si i forumit rinor dhe Albana Vokshi si përfaqësuese e atij të grave.

Po atëhere kur u tha se PD zyrtare i është hequr vota, a e ka hedhur atë njeri si përfaqësues i saj?

Konfuzioni për këtë pyetje u bë më i madh pasi, Jorida Tabaku, postoi një foto duke votuar me diçiturën:” “Kënaqësi sot të votoja për Presidentin e EPP Manfred Weber! Jam e sigurt që me mbështetjen tij, Partia Demokratike do të vazhdojë të jetë pjesë e familjes së EPP”.

I menjëhershëm ishte reagimi i palës tjetër. në mediat pranë Berishës u shfaq një foto e Albana Vokshit gjithashtu duke votuar. “Ditë e rëndësishme për PPE. PPE ka dhënë mbështetjen e saj me konsensus për Manfred Weber i cili pritet të zgjidhet Presidenti i ri i saj. Në këtë mënyrë, PPE ka vendosur të bashkojë postin e Presidentit me atë të Kryetarit të Grupit Parlamentar të saj në Parlamentin Europian” shkroi ajo.

Pra pyetjet ishin disa: A kishin përfaqësuesit e PD-së të drejtë vote? A iu dha kjo mundësi grupit të Berishës apo kundërshtarëve të tij?

Për të zgjidhur këtë kakaofoni Shqip iu drejtua organizatorëve të kongresit të Rotërdamit. Nga përgjigjja e tyre mësuam se asnjë nga fotot e mësipërme nuk ka lidhje me mënyrën si po shiten në Shqipëri. Albana Vokshi nuk ka votuar si përfaqësuesi e fluksit të Berishës, pr në emër të forumit të gruas. Jorida Tabaku se ka bëtë këtë si kundërshtare e Foltores, por me cilësinë e anëtares së Asambles së këshillit të Evropës.

Pra pavarësisht nga propoganda e secilës palë, partitë e djathta evropiane vazhdojnë të mbajnë të ngrirë dhe pa të drejtë vote PD-në deri sa të ketë një zgjidhje shteruese të konfliktit mes grupeve rivale brenda saj.

Lexo lajme interesante

You may also like