Të paktën 208 persona janë vrarë dhe 52 janë zhdukur nga supertajfuni “Rai” në Filipine, sipas një bilanc të ri nga autoritetet lokale.
Zyrtarët thanë se 52 persona të tjerë figurojnë të zhdukur dhe se 239 janë lënduar.
Më shumë se 300,000 njerëzve u është dashur të largohen nga shtëpitë e tyre që nga e enjtja.
Tajfuni Rai, me erëra që arrijnë shpejtësinë 195 kilometra në orë, kaloi të enjten dhe të premten në pjesët qendrore dhe jugore të Filipineve.
Super tajfuni është një ciklon i fortë i barabartë me uraganin e kategorisë më të lartë (pesë) në SHBA. Ka rreth pesë tajfunë të tillë në vit mesatarisht në mbarë botën. /tesheshi.com/