Philippe Coutinho lë gjurmë që në ndeshjen debutuese me Aston Villan në Premier League dhe jo në një ndeshje dosido. Mesfushori brazilian, që u huazua nga Barcelona te skuadra nga Birmingami vetëm pak ditë më parë, shënoi golin e barazimit përfundimtar 2-2 në “Villa Park” përballë “Djajve të Kuq”, duke shmangur humbjen e skuadrës së drejtuar nga Steven Gerard.
Një provë karakteri për “Villans”, të cilët deri në në minutën e 77-të po humbnin 0-2, teksa për “Djajtë e Kuq” kishte shënuar dy herë i njëjti futbollist, Bruno Fernandes. Në minutën e 6-të, portugezi shfrytëzoi një pasim të Telles për të zhbllokuar rezultatin, ndërsa në të 66-tën thelloi diferencën pas bashkëpunimit me Fred.
13 minuta para përfundimit të kohës së rregullt Ramsey ndezi shpresat e vendësve për rezultat pozitiv me golin e 1-2, ndërsa katër minuta më vonë asistoi Coutinhon (i aktivizuar në minutën e 68-të), që e pati të lehtë ta dërgonte topin në rrjetë. Në minutat e fundit, falë edhe entuziazmit të të pranishmëve në “Villa Park”, sfida u ndez edhe më shumë, por nuk pati tjetër gol.
Top Channel
//Google Analytics window.dataLayer = window.dataLayer || []; function gtag(){dataLayer.push(arguments);} gtag('js', new Date());
gtag('config', 'UA-7855069-1');
//Facebook window.fbAsyncInit = function() { FB.init({ appId : '1715618661991455', xfbml : true, version : 'v2.10' }); FB.AppEvents.logPageView(); };
(function(d, s, id){ var js, fjs = d.getElementsByTagName(s)[0]; if (d.getElementById(id)) {return;} js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));