Google investon 10 miliardë dollarë në Indi

Kompania Google do të investojë 10 miliard dollarë në Indi në 5-7 vitet e ardhshme pasi gjiganti i internetit përpiqet të forcojë praninë e tij në një nga tregjet e tij më të mëdha në rritje.

Drejtori i përgjithshëm i Google, Sundar Pichai ka filluar Fondin e Digjitalizimit të Google për Indinë përmes të cilit ai do të investojë në këtë vend.

“Ne do ta bëjmë këtë përmes një përzierje të investimeve të kapitalit, partneriteteve dhe investimeve operative, infrastrukturore dhe ekosistemit. Ky është një reflektim i besimit tonë në të ardhmen e Indisë dhe ekonominë e tij digjitale’’, deklaroi ai.

Investimet e kompanisë do të përqendrohen në mundësimin e një aksesi të përshtatshëm në informacion, ndërtimin e produkteve të reja, fuqizimin e bizneseve për transformimin e tyre digjital dhe shfrytëzimin e inteligjencës artificiale në shëndetësi, arsim dhe bujqësi.

Me popullsinë e dytë më të madhe në botë, India gjithashtu ka tregun e dytë më të madh digjital dhe është një rajon me interes për Google.

Tik Toku drejt mbylljes!

Shtetet e Bashkuara të Amerikës, janë dyke shqyrtuar mbylljen e qindra aplikacioneve kineze.

Konkretisht SHBA, po shqyrton mundësinë e mbylljes së të gjithë aplikacioneve të prodhuara nga kinezët, përfshirë rrjetin social shumë të përdorur, Tik Tok.

Këtë fakt e ka bërë me dije Sekretari i Shtetit Mike Pompeo. Pompeo gjatë një interviste për mediat amerikane tha se “mbyllja e mundshme e aplikacioneve kineze në mediat sociale po merret shumë seriozisht”, shkruajnë mediat në gjuhën angleze.

Kur u pyet nëse duhej ndaluar Tik-Tok, Pompeo tha “do të shikojmë të heqim veçanërisht këtë aplikacion”.

“Njerëzit duhet të shkarkojnë aplikacionin, vetëm nëse duan që informacioni i tyre privat të jetë në duart e Partisë Komuniste të Kinës”-tha Pompeo.

Nga ana tjetër ka reaguar menjëherë Tik Tok.

“Tik Tok udhëhiqet nga një Drejtor i Përgjithshëm Amerikan, ka me qindra të punësuar dhe udhëheqës kryesorë për sigurinë dhe politikën publike këtu në SH.B.A. Ne kurrë nuk kemi vënë në dispozicion të ndonjë autoriteti të huaj, aq më pak Partisë Komuniste të Kinës, informacione personale të ndonjë individi”, tha zëdhënësi i rrjetit social.

Shkupjani adhuruesi i automjeteve ndërton makinën “bishë” – VIDEO

Brenda kësaj garazhe është e parkuar kjo makinë, të cilën pronari i vet e quan bishë.

Në pamje të parë të jep përshtypjen se ka të bëjë me një makinë garave Formula, por do të ndryshoni mendim sapo ta shihni nga prapa.

Ky mjet lëvizës, gjysmë makinë e gjysmë motor është punuar nga automekaniku Bajram Ramadani.

Me 2 rrota përpara e 1 mbrapa, ky mjet bën start shumë më të vrullshëm se një makinë

IPhone 12 pritet të vijë me ndryshime drastike

Kohët e fundit Apple është përfolur se po ndryshon dizajnin e iPhone 2020.

Modeli i tij ka mbetur i pandryshuar që nga iPhone X, i lançuar në vitin 2017, me përjashtim të lenteve të kamerës në anën e pasme.

Apple do të kthehet në një pamje më të guximshme që të kujton iPhone 5. Një veprim i tillë do të sillte iPhone më në përputhje me serinë iPad Pro, me një dizajn më të trashë dhe katror.

Nëse ecuria e pandemisë nuk ndryshon planet e kompanisë, mendohet se iPhone i ardhshëm do të jetë në treg në muajin Shtator.

Gjithashtu bëhet e ditur se Apple do të prodhojë katër versione këtë vit. Këto përfshijnë iPhone 12, iPhone 12 Max, iPhone 12 Pro dhe iPhone 12 Pro Max. Madhësitë e ekranit parashikohen të jenë përkatësisht 5.4 inç, 6.1 inç, 6.1 inç dhe 6.7 inç.

Izraeli shpik maskën që vret Covid-19

Shkencëtarët në Izrael thonë se kanë shpikur një maskë të ripërdorshme që mund të vrasë koronavirusin me nxehtësi, duke marrë energji nga një karikues celulari.  Procesi i dezinfektimit kërkon rreth 30 minuta dhe përdoruesit nuk duhet ta veshin maskën kur ndodhet në karikim, sipas Profesorit Yair Ein-Eli, që drejtoi kërkimet.

Maska e re ka një portë USB-je, ku lidhet me një burim energjie, si karkikuesi standard i celularit,  gjë që nxeh një shtresë të brendshme të fibrave të karbonit deri në 70 gradë celcius, që është mjaftueshme për të vrarë viruset. Ein-Eli tha se maskat njëpërdorimshe, që janë në kërkesë të madhe në të gjithë botën, nuk janë ekonomike dhe mbështetëse për mjedisin.

“Duhet të jetë e ripërdorshme dhe kjo është zgjidhja jonë”, tha ai.  Prototipi duket si një maskë standarde N95, me një valvul në krye dhe fasha gome, për të qëndruar në kokë. Hulumtuesit thonë se po diskutojnë për tregtimin e produktit me sektorin privat dhe me shumë gjasa do të shitet me një çmim shtesë prej 1 dollarë mbi maskën tipike që hidhet në plehra.

Analistët: vetëm dhjetë marka automjetesh do t’i mbijetojnë krizës

Kriza e virusit Corona do të ndihmojë në përshpejtimin e “përzgjedhjes natyrore” dhe vetëm dhjetë prodhues makinash do të mbijetojnë në tregun global, sipas firmës këshilluese AlixPartners.

Studimi i kësaj shtëpie fillon nga fakti se shitjet e këtij viti do të bien me 20 milion nën nivelet e vitit të kaluar, sikur “një treg sa madhësia e Europës të zhdukej brenda natës”.

Shërimi nga kriza do të marrë, sipas AlixPartners, disa vjet, dhe pasojat e “Darvinizmit” në këtë industri është se vetëm prodhuesit dhe furnitorët financiarisht të fortë dhe inovatorë do t’i mbijetojnë “pastrimit” të ardhshëm të tregut.

Drejtori i sektorit për industrinë e automobilave AlixPartners, Elmar Kades tha në një intervistë për agjencinë gjermane DPA se është e mundur të zvogëlohet numri i prodhuesve të makinave në dhjetë, me Tesla në atë grup.

Rënie e përshpejtuar

Sipas tij, prodhuesit gjermanë i përkasin grupit të prodhuesve që do të mbijetojnë, megjithëse kanë probleme me kalimin në makinë elektrike dhe softuer, por janë mjaft të fortë për të pasur sukses.

Ai theksoi se fitimet për shkak të investimeve në teknologji të reja janë në rënie për vite me radhë, dhe se kriza koronare ka përshpejtuar rënie të mëtejshme.

“Në përgjithësi, industria e automobilave nuk do të jetë në gjendje të fitojë këtë vit,” tha Kades.

Ai deklaroi se ulja nga 21 në 14 milion automjete të shitura në Evropë regjistroi rënien më të madhe dhe se niveli para krizës ka shumë të ngjarë të arrihet vetëm pas pesë vjetësh.

Sony prezanton “Playstation 5” – VIDEO

Pas 7 vitesh, Sony ka prezantuar më në fund Playstation 5 si dhe një sërë lojrash që do të dalin me të. Prezantimi i pajisjes së re pritej në fund të këtij viti,  por Sony duket se ka dashur të surprizojë të gjithë. Kompania ka vendosur të surprizojë edhe rivalët e saj, Microsoft, të cilët pritet që brenda fundit të këtij viti të prezantojnë pajisjen e re të Xbox, që është edhe rivali kryesor i playstation.

Playstation 5 ndërkohë, ofron një grafikë mjaft të avancuar si dhe kohë shumë më të shkurtra karikimi nëpërmjet përdorimit të hard diskut. Prezantimi i pajisjes së re u bë online dhe tërhoqi më shumë se 3 milionë vizitorë live vetëm në kanalin e youtube. Paraardhësi i Playstation 5 ndërkohë, ishte prezantuar në fillim të vitit 2013, çka e ka bërë mjaft të gjatë pritjen për daljen e pajisjes së re të Sony-t.

Krijohet bateria e “përjetshme” që mban mbi 2 milion kilometra!

Një prodhues kinez i baterive të makinave thotë se është gati të prodhojë një produkt të aftë për të fuqizuar një automjet për 1.2 milion milje (dy milion kilometra) përgjatë një jetëgjatësie 16-vjeçare. Momentalisht shumica e kompanive që prodhojnë makina ofrojnë vetëm garanci që variojnë nga 60,000 deri në 150,000 milje për një periudhë tre deri në tetë vjet në bateritë e veturave të tyre.

Teknologjia bashkëkohore Amperex nuk ka zbuluar se kush synon të furnizojë. Por më herët ishte raportuar se bateria ishte bashkë-zhvilluar me Tesla. Lajmet e fundit u zbuluan në një intervistë të kryetarit të Catl dhënë për agjencinë e lajmeve Bloomberg. “Nëse dikush bën një porosi, ne jemi të gatshëm të prodhojmë,” është shprehur Zeng Yuqun.

Ai shtoi se, kjo do të kushtojë një premium 10% mbi cmimim aktual të baterisë që tashmë furnizon. Kompania nënshkroi një marrëveshje dy-vjeçare për të furnizuar bateritë për makinat Model 3 të Tesla në shkurt. Klientë të tjerë të saj përfshijnë BMW, Daimler, Honda, Toyota, Volkswagen dhe Volvo.

Kërkesa për automjete elektrike po rritet. Tregu Europian për EV (makina elektrike) dhe hibride plug-in u rrit me 72% në tre muajt e parë të vitit në krahasim me të njëjtën periudhë në 2019, duke përfaqësuar 7% të të gjitha makinave të reja të shitura, sipas firmës kërkimore Canalys. “Ka të ngjarë të përdoret si një diferencues nga disa krijues të makinave kur ka një ndryshim të rëndësishëm nga një automjet në tjetrin – duke ndikuar në mënyrë dramatike vlerën e rishitjes,” tha analisti kryesor i automobilave i Canalys, Chris Jones.

Ai shtoi se ky dhe faktorët e tjerë – përfshirë disponueshmërinë më të gjerë të pikave të karikimit dhe rrezet më të gjata të drejtimit – duhet të ndihmojnë të joshin më shumë shoferë për të bërë kalimin në një makinë elektrike. (BBC)

Miliarda dollarë fitime për themeluesin e TikTok

Pronari i TikTok ByteDance bëri një fitim neto prej 3 miliardë dollarë vitin e kaluar, sipas një raporti nga Bloomberg të mërkurën që citoi njerëzit e njohur me këtë çështje.

Ndërmarrja po pëson një rritje shuëm të shpejtë duke dyfishuar të ardhurat e saj nga 7.4 miliardë dollarë në 2018 në 17 miliardë dollarë në vitin 2019, sipas raportit, i cili thotë se gjithashtu ka një grumbull parash prej 6 miliardë dollarësh.

Themeluar në vitin 2012 nga sipërmarrësi Zhang Yiming, ByteDance raportohet se ka një vlerësim privat midis 105 miliardë dhe 110 miliardë dollarë, që do ta bënte atë “start-up” më të vlefshëm në botë.

Me seli në Pekin, ByteDance është mbështetur nga pëlqimet e firmës kapitale të sipërmarrjeve SoftBank dhe Silicon Valley Sequoia.

Kafenetë në Kore të Jugut po angazhojnë robotë për të shërbyer

Roboti i ri në kafenenë në Daejeon të Koresë së Jugut, është i sjellshëm dhe menjëherë shkon në drejtim të konsumatorëve.

“Ja ku është çaji i juaj, shijoni. Bëhet edhe më i mirë nëse e përzieni”, thotë roboti, ndërsa konsumatori merr pijen.

Pasi ka arritur të frenojë përhapjen e koronavirusit të ri që ka infektuar më tepër se 11 mijë persona dhe ka lënë të vdekur 267 në Kore të Jugut, shteti aziatik gradualisht po e bën tranzicionin nga rregullat intenzive të distancës sociale për në drejtim të asaj që qeveria e quan “distancimi në jetën e përditshme”, shkruan agjencia Reuters.

Robotët do të mund të ndihmojnë në mbajtjen e distancës sociale në publik, thotë Lee Dong-bae, drejtor i hulumtimeve te Vision Semicion, një fabrikë për zgjidhje të mençura që ka zhvilluar robotin shankist së bashku me institutin shkencor.

“Tavolinat janë të shpërndara në mënyrë që të sigurohet lëvizja e robotëve, që i përshtatet edhe mbajtjes së distancës sociale”, ka thënë Lee.

Sistemi, që përdor një dorë robotike që bën kafenenë dhe një robot shërbyes, mund të bëjë 60 lloje të ndryshme të kafeve dhe t’u shërbejë pije konsumatorëve, ndërsa ata qëndrojnë ulur. Po ashtu mund të komunikojnë dhe të transmetojnë të dhëna te pajisjet tjera. Robotët kanë edhe teknologji poër të kalkuluar vet rrugën më të mirë të qarkullimit rreth kafiterisë.

Një porosi prej gjashtë pijeve, e procesuar nëpërmjet një kioske, ka vonuar vetëm shtatë minuta. Njeriu i vetëm i punësuar në kafiterinë dy-katëshe është personi që përgatit ëmbëlsirat, i cili ka edhe detyra për të pastruar dhe po ashtu për të mbushur aparatet me gjërat e nevojshme.

Prodhuesi dhe instituti shkencor synojnë të furnizojnë së paku 30 kafiteri me robotë të tillë këtë vit.

“Robotët janë argëtim dhe është e lehtë pasi nuk duhet të shkosh të marrësh porosinë”, thotë studenti 23-vjeçar Lee Chae-mi. “Por, jam edhe pak i shqetësuar për punën në treg pasi shumë nga shokët e mi po bëjnë punë me gjysmë-orari në kafiteri dhe këta robotë do të zëvendësojnë njerëzit”.