Trajneri i përkohshëm i Manchester Unitedit, Michael Carrick do jetë në krye edhe për ndeshjen e radhës ndaj Chelseas.
Pas fitores ndaj Villarreal, Man United i ka besuar stolin Carrickut edhe për derbin anglez, derisa marrëveshja me Ralf Ragnick është gjithmonë e më afër të kompletohet.
Por, formacioni titullar i Man Unitedit ndaj Chelseas bëri befasinë, pasi ylli Cristiano Ronaldo ishte në stol.
Carrick ka pranuar se ka biseduar me portugezin për këtë ndryshim dhe tha se futbollisti e ka pranuar.
“Disa ndryshime për të ringjallur energjinë. Martial dhe Van de Beek, Cristiano Ronaldo gjithashtu janë në stol. Kisha një bisedë të mirë me Cristianon dhe ishte i madh”.
“Është vendim për skuadrën, nuk duhet të bëjmë ndonjë dramë. Të gjithë ata që kanë dalë nga ekipi kanë qenë të mrekullueshëm përreth vendit – përfshirë Cristiano dhe ka mbështetur djemtë”, tha shkurtimisht ai.
Ndërkohë, përballja e ‘zjarrtë’ zhvillohet në “Stamford Bridge” me fillim nga ora 21:00.
